Mensen ut øyre.


Eg veit no utan tvil korleis det må vere å føde. Vel, ut øyret då. Eh, ja. Akkurat.

Den verste smerta eg har hatt i mitt liv, nokon sinne, fekk eg i går. Etter å ha vore tett i bihule, øyre og det som måtte vere av hovud i det siste- så tok eg skeia i eigne hender. Noko eg ofte gjer når eg er sjuk. Lege er so oppskrytt!

Hadde noko øyreskyll liggande frå forrige år. Og tenkte med mitt kloke hovud at eg skulle fikse biffe. Ja, eg skylte grundig eg. Etter skylling fekk eg smerter som MÅ ha oppkome ifrå helvete. Sol, mi kjære venninne og reddande engel kjøpte både paracet og ibux. Og etter å ha ringt til legevakta (medan Jeanette gjekk rundt i ring som ei hysterisk høne) fekk eg beskjed om at eg berre måtte ta ein god coctail med begge sortane av tablettar.3 paracet og 3 ibux.

Etter vaktskifte og Mr. Kjønås overtok som lege på vakt, så toppa verkeleg smertene seg. Litt komisk- men eg hylte, grein og var steike forbanna på same tid. Slo gjerne handa hardt i veggen. Berre for å overgå smerta som romsterte inn i øyret.

Vel, enden på visa var at etter nokre timar ga dei verste smertene seg. Då eg plutselig kjende noko som rann ut av øyret. BLOD!- Kjende hysterien breia seg over kroppen. Og kasta meg over telefonen for å ringe til Jannike. Kanskje kunne hon vete kva slags lidelse eg hadde. Jannike visste det ikkje. Men råda meg til å ta i bruk internett.

Internett har alltid svaret. Og joda, eg kunne lese at dersom eg hadde mensen ut øyret, så var det nok trommhinna som hadde røke med. Eg valgde å utelate det siste punktet som stod at dersom det rann gult puss ut i tilegg, så hadde eg nok mest sannsynleg brot på hjerneskallen. Trur ikkje det nei.

Og i dag den dag, valgde eg å bite i det sure eplet. Eg tok turen til legen, som seg hør og bør. Og har no fått ein hestekur med antibiotika. Lenge leve øyreverk og mensen ut øyret! Eg vurdera å amputere hovudet uansett.

Klok mann-
Han der Peter McWilliams.

"My hard is yours"


For ei herlig oppvarming til laurdagen sin finale av Grand Prix! Endelig har GP fått sin renessanse etter nokre år med tørketider. Ser fram til festivitas på Griegakademiet laurdag, med grilling, storskjerm og Grand Prix kledning! Trur eg skal ta på med paljett-jakka mi for anledninga. Ikkje i rosa, men blått. Nesten som bobysock- men berre nesten.

Men alle ønsker om at vår kjære Didrik syng med britisk aksent under sendinga.

Amen.

Øyreverk.


Tidenes øyreverk i natt. I håp om å sove den vekk då eg la meg, vart den berre verre. Og eg sov ikkje eit sekund fram til klokka var sju. Gjekk rundt i sirkel på golvet, grein ein liten skvett over dei intense smertene, såg på klokka og venta på at nokon skulle forbarme seg over meg å komme med ein paracet eller to- som eg ikkje hadde i hus.

Sovna av total utmattelse i sjutida. Flott natt med andre ord.
Eg føyer øyreverk til på lista over ting eg ikkje likar i det heile.

Christopher.

Eg ler.

Eg ler av all reklameposten eg til tider får på mail. "Bekjemp dårlige gasser, Jeanette" "Hvor langt kan du gå på fylla, Jeanette?" "vinn en reise til Andalusia, Jeanette" "Bli kvitt handtakene over linningen, Jeanette" Alle mailane får ein personeleg touch ved å bruke namnet mitt på slutten.

Eg starta å tenke 'HÆ? Har eg dårlege gassar?' Ser på magen min om eg EIGENTLIG har handtak ovanfor linninga, og blir super happy over at eg kan vinne meg ein tur til Andalusia! Men det er sjølvsagt for godt til å vere sant. Normale oppgåande mennesker skjønnar sjølvsagt det. Og eg ser på meg sjølv som eit noko lunde normalt og oppegåande menneske. Men kva med alle dei som går rett på. For eg reiknar med det ikkje er gratis å bli kvitt både gassane og dei overføldige kiloa. For å ikkje snakke om turen til Andalusia.

I tillegg blir eg litt forbanna. Forbanna over at all reklama tek plassen i innboksen MIN. Og at eg må bruke tid på å sjekke kva maila eg har fått, for å ikkje slette noko viktig. Og at eg faktisk må gå igjennom alle dei 140 mailane for å slette dei ein etter ein. Og til meir eg skriv om det, dess meir forbanna blir eg.

Kanskje på tide å slutte no.

Dagen i går-

Bør vere akkurat sånn som ein dag i resten av ditt liv skal vere. Ein dag fyllt med grilling, glede, spontan samling av mennesker som ikkje kjenner kvarandre, speling av fotball, triksing med basketball, badminton(-og shuttelcocks), barnslig leiking og sjølvsagt deilig musikk som strøymer ut av ipoden i dei seine nattetimar. Alt under vakker mai-himmel med stjerner og måne på. Gløymte eg å nemne korthusbygging?

Bergen er ekstatisk når det er fint veir. Mennesker ligg slengt over alt. På fortau, i grøfter, på hustak. Alt dette berre for å komme nærare sola. Utlendingane kallar det "sunchasing". Kanskje ikkje så rart sidan vi har fleire mørke dagar enn lyse. No. Ut og nyte kvar ein solstråle.

Bilder til salgs.

17. mai er vi så gla' i!

Endelig, etter nokon kalde dagar fekk vi helse på sola igjen! Og sidan det snart er 17. mai, min favorittdag i året- så håpa vi på at sola held seg der oppe, og ikkje ramla ned eller blir vekke bak tunge regnskyer.

Tok turen opp Svartediket, Isdalen, Rundemannen og enda til slutt opp på Fløyen i går. DEILIG tur med berre rein glede i bagasjen. No er det tid for å gjere seg klar til 17. mai! Bunadskjorta skal strykast, potetsalat og kake skal lagast, leiligheta skal vaskast og lugg skal klippast! Dersom nokon tilfeldigvis skulle elske å stryke bunadskjorte frå helvete, så er dykk hjarteleg velkomne til å hjelpe meg.

Leik i parken.

Bergen har vore så heldig å hatt fint veir i det siste. I forskjell til resten av landet som hadde snøv og hagl på menyen.

Då måtte vi grille og leike i parken, sjølvsagt......

Bergen i mitt hjerte.



Festivalstemninga osa av Bergen i helga. Og eg vil ha meir!
Heldigvis er det ikkje lenge til 'nattjazzen'.
Ok, vi fekk ikkje kanskje med oss så mykje som vi hadde håpa på. Men det var berre fordi det tok totalt av i det lokalet på verftet vi haldt til.

Vart skikkelig snurt etter å ha stått i kø alt for lenge utanfor Verftet. Vi som stod på gjesteliste og alt, trudde det var bankers at vi kom oss inn- Men nei. Lokalet var stappa til randen og dama som stod i inngongsdøra var ikkje spesiellt samarbeidsvillig. Men inn kom vi etter litt sleipe triks, do-gåing og vaktar som tok oss på fersken, men som faktisk fann ut at vi stod på lista. In your face!

Karpe Diem var virkelig hett. Folk stod som sild i tønner, og stemninga tok verkeleg HEILT av. Magdi rocka! Derifrå skulle vi liksom få med oss Lars Vaular pluss ein del andre band. Men kven takka nei til hundre gratis øl, godt selskap, rocking på dansegolvet og til slutt ei FANTASTISK avrunding med "The souljazz orchestra"! Ikkje dei jentene nei.

Vandra heim i dei seine nattetimer, under ein blå himmel og med sola på god veg til å komme opp. Lykkelige over ein deilig kveld og med autografar på handa.

Litt sleten i dag gitt.

Arbeit macht frei.

Då var april snart ute av synet. Og vi ønsker mai du skjønne milde velkommen, med arbeidarane sin dag, feiring av nasjonaldagen, grilling, knoppar og blomar i full spring og forhåpentlegvis mykje fint og varmt veir.

I morgon skal arbeidarane sin dag feirast med talar, paroler og korpmusikk i gatene. Og der kjem vi inn. Flesland musikklag spela frå 14 og utover gjennom Bergen sine vakre gater. Måtte ein stakkar korpssjel få opphald frå regnet i vår vandring. Tross alt, dei som trur 1. mai og 17. mai er ein av dei dagane då korpsa verkelig tek fram sine beste talent- tek dykk skrekkeleg feil. For meg er 17. mai ein av dei beste dagane i året. Men ser med skrekk og gru fram til marsjeringa og speling av marsjar.

Så kjære medmennesker. For dykk som ikkje likar korpsmusikk. Ja, då har vel dykk kun høyrt oss spele på ein av dei minst likte dagane i året av ein korpsmusikant. Nemmelig 17. mai.

Kunsten min.


Http://www.kunstenmin.blogspot.com

Oppdatering skjer i ein gong i dag.

Eit lite stykke Island.

Rengnet høljar ned i Bergen. Island har sendt skya med oska, og den fell ned i kvar dråpe som havnar på bakken. Kvart åndedrag luktar av deilig svovelgass. Eller rettare sagt, det luktar av kloakk.

Det er torsdag. Dagen før sjølvangjevelsen skal leverast inn, Flesland musikklag har konsert i Fana Kulturhus- óg dagen då Bergen lukta av dritt.

Eg skal ut i dritten. I tights og godt humør.

Kulturuke.

Som mange kanskje veit er det duka for Bergensfesten her i byen, med mange av dei største stjernene musikkbransjen kan oppdrive.
Og det blir ei storslått veke! Er så heldig å få stå på gjesteliste til Karpe Diem og Magdi- og håpar på å få med meg dei andre banda som skal spele på Verftet óg.

Alltid kjekt å oppdage nye band! Har høyrt ein del på 'The souljazz orchestra' den siste veka. Og eg elska det eg høyre! Ei deilig blanding av soul, jazz og reggea-rytmer. Musikk som ein blir tvers i gjennom glad av! Det er det som er så fint med musikk. Det er eit universellt språk som uttrykke følelsar i alle valørar. I tillegg til Karpe Diem, The souljazz orchestra- skal óg Veronica Maggio, Lars Vaular, The very best og Mayer Hawthorne and the county halde konsert. Eg gler meg!

Ellers åpnar masterutstillinga i design i dag, Substans 2010. "Designing the social world" Blir veldig spennande å sjå kva dei har fått til. Champagne og design er ikkje feil. Som overskrifta seier: Kulturuke. Bring it on!

Blogg ein - og blogg to.



http://www.kunstenmin.blogspot.com


Reklame for bloggen i bloggen.

Livet.

Inn i mellom traskar eg berre rundt på butikkar. Berre for å få inspirasjon til vidare kunsting.
I dag var eg innom bokhandelen. Har kikka ein del i barnebøker i det siste. For eg kunne tenke meg å kanskje skrive ei- og lage eigne illustrasjonar til.

Kom over ei bok som heiter '1000 steder å se før du dør'. Eg bladde i gjennom den og kjende på at det er på tide å reise ein eller anna plass snart. Berre for å oppleve og kjenne at ein leve. Framst i boka stod det eit flott ordtak som eg tek med meg vidare;
'Livet målast ikkje i antall åndedrag du tek, men i stadar og hendingar som tek pusten ifrå deg' Og eg kjenner på meg at det er ein filosofi eg vil leve etter. Livet er her og no. Opplev, sans, og leik med livet. For du får berre oppleve det ein gong.

And all that jazz......

I dag skriv vi 26. april. Dagen då Noreg fekk besøk av Russland sin president Dmitrij Medvedev. Og gardemusikken spela opp med 'Gammal jegermarsj' på slottsplassen.
Det er óg mandag. Og dagen etter helga.

Ei helg med god blanding av jobb, kunstutstilling, maling og påfyll av åndelig føde med konsert på verftet og Kvarteret. Konsertar som gav meg smil om munnen når eg gjekk til sengs for natta. Regnet kunne berre hølje ned. Det gjorde absolutt ingenting.

Men regnet hølja ikkje ned søndag. Med vår i lufta, is i handa og medbrakt kaffi koste vi oss på Verftet. Meg og Sol. Vi vurdera starte landslag i synkronsvømming. Kven veit. Kanskje vi har ei framtid innan den idretten?